بايراق آزادليق واؤزگورلوك سندي و فاكتيدير. بايراق، حاكمييت و اه گه منليك سيموولودور. بايراق ميللت لرين حايات دا اولوب ،ياشاماسينين بليرتيسيدير. بايراق هر ميللتين ميللي ناموس و شرفي دير. بايراق بير ميللتين ميللي وارليغينين تمثيلچي سي، نوماينده سي، سيمگه و سيموولودور. بايراق هرميللتين عصاره وخلاصه سي دير.ميللي وارليق، بير ميللتي ميللت ائدن عنصرلردئمك دير. ميللتي، ميللت ياپان عنصرلرده، او اولوسون كئچميشي، تاريخي ، وطني،كؤك و سويو و اعتقادلاري ، اينانجلاري، پيسيكولوژيك و سوسيال داورانيشي، عادت عنعنه لر، سنت لر، ادبيات، فولكلور، موسيقي و ديلي دير، يعني بير آنلامدا كولتور و مدنييتي دير. بو استقلال و اوزگورلوگ بایراقین قوروماق و اونو اوجادماق بیزیم میللی بورجوموز و گورومیزدیر . گونی آذربایجانی بیر تورک میلتی اولاراق گورمک ایسته مینلر و اونون وارلیغین تالایانلار بو میللی و مقدس بایراغین گوجونو آنلایب و اونو یوخ ائدمیه چالیشانلارین توم ایستکلری ، سیز دیرلی اگید میللتچی لرین فعالیت لری سونوجوندا محوائدیلمیشیر. بوگون فارس شونیزیمین گونی آذربایجاندا آپاردیقی توم باسقیلارا راغما بایراقیمیزین 49 وب سیته و بلوگلارین لوگوسوندا یئرلشمک ده دیر.و بو مقدس بایراقیمیز بو گونه ده ک میلیونلار دفعه چئشیدلی قازتلر،درگیلر، تلوزیونلار،سیته لر و... واسطه سیله چاپ اولونوب و یاینلانمیشدیر. ده یه رلی میللتچی باجی قارداشلاریمیز باغیمسیزلیق و استقلالمیزی داها تئز الده ائدمک ایچین بوندان آرتیق چالیشمالیق.بوگونه ده ک بایراقچیلار قوروپو اولاراق بایراق حاقدا آپاریلان فعالیت لری گلجک نسیله تانیدیرماق ایچین فعالیتلرین اوندان بیرینی سون 3آی ایچینده سیته میزده آرشیو ائدمه یه باشارمیشیق.
